Poslovne vesti - Makedonija

За енергетска ефикасност - 4 милиони евра од ЕБОР

Македонските компании имаат пристап до нови 4 милиони евра, средства наменети за подобрување на нивната енергетска ефикасност.

Кредитната линија на Европската банка за обнова и развој ќе се пласира преку НЛБ Тутунска банка.

Договорот за кредитот го потпишаа вчера претседател на Управниот одбор на НЛБ Тутунска банка, Ѓорѓи Јачевски и директорот во ЕБОР, Франсис Малиж.

Кредитната линија, смета Јанчевски, не е голема според износот, но е значајна бидејќи нуди низа поволности за корисниците. Компаниите, како што појасни, кои ќе го реализираат успешно проектот за кој добиле средства на крајот ќе бидат ослободени од плаќање 15 отсто од износот што го зеле.

- На таков начин, компаниите ќе плаќаат каматна стапка од 1,82 отсто - рече Јанчевски.